Oer Mozilla Add-ons

Wat is dizze website?

addons.mozilla.org, ek wol bekend as “AMO”, is de offisjele website fan Mozilla foar add-ons foar Mozilla-software, lykas Firefox, Thunderbird en SeaMonkey. Mei add-ons kinne jo nije funksjes tafoegje en de wize wêrop jo browser of tapassing wurket wizigje. Sjoch ris rûn en ferken de tûzenen manieren wêrop jo de manier wêrop jo dingen online dogge oanpasse kinne.

Wa makket dizze add-ons?

De hjir fermelde add-ons binne makke troch tûzenen ûntwikkelers út ús mienskip, fariearjend fan yndividuele hobbyisten oant grutte bedriuwen. Alle iepenlik fermelde add-ons wurde beoardiele troch in team fan beoardielers eardat se frijjûn wurde. As Eksperiminteel markearre add-ons binne net beoardiele en moatte allinnich mei omtinken ynstallearre wurde.

Hoe hâld ik de ûntwikkelingen by AMO yn 'e gaten?

Der binne ferskate manieren om it lêste nijs út de wrâld fan add-ons te ûntfangen:

  • Us Add-onsblog wurdt regelmjittich bywurke mei ynformaasje foar sawol add-on-fans as ûntwikkelers.
  • Wy pleatse faaks nijs, tips en trúks op ús Twitter-account, mozamo
  • Us foarums binne in goed plak om kontakt te lizzen mei de add-onsmienskip en takomstige wizigingen fan AMO te bepraten.

Dat klinkt goed! Hoe kin ik meidwaan?

Der binne mear as genôch manieren om mei te dwaan. As jo technysk ynsteld binne:

  • Meitsje jo eigen add-on. Wy biede fergees hosting en fernijingstsjinsten en kinne jo helpe in grut publyk te berikjen.
  • As jo ûntwikkelûnderfining mei add-ons hawwe, wurd dan in add-on-beoardieler! Us beoardielers binne fans fan add-ons mei in technyske eftergrûn, dy't add-ons beoardiele op koadekwaliteit en stabiliteit.
  • Help dizze website te ferbetterjen. It is iepen boarne, en jo kinne bugs melde en patches yntsjinje. GitHub befettet al ús aktuele bugs, âlde bugs binne noch yn Bugzilla te finen.

As jo ynteresse hawwe yn add-ons mar net sa technysk binne, binne der noch hieltyd manieren om te helpen:

  • Fertel it jo freonen! Lit minsken witte hokker add-ons jo brûke.
  • Doch mei oan ús foarums.
  • Beoardielje add-ons op de website. Add-onskriuwers sille harren add-ons earder ferbetterje en nije add-ons skriuwe as se witte dat harren wurk wurdearre wurdt.

Ik haw in fraach

In goed plak om te starten is Mozilla Support. As jo dêr gjin antwurd fine, kinne jo in fraach stelle yn ús foarums.

As jo echt kontakt opnimme wolle mei ien út it Mozilla-team, lês dan ús side mei kontaktgegevens.

Wa wurket oan dizze website?

Troch de jierren hinne hawwe in protte minsken oan dizze website meiwurke, wêrûnder sawol frijwilligers út de mienskip as in tawijd AMO-team.