Mozilla-ს დამატების შესახებ

რა საიტია ეს?

addons.mozilla.org, ცნობილი როგორც „AMO“, წარმოადგენს Mozilla-ს ოფიციალურ საიტს, სადაც განთავსებულია დამატებები Mozilla-ს პროგრამებისთვის, როგორიცაა Firefox, Thunderbird და SeaMonkey. დამატებები საშუალებას გაძლევთ ახალი შესაძლებლობები შემატოთ თქვენს ბრაუზერს, ან პროგრამას და შეუცვალოთ არსებული ფუნქციონალი. დაათვალიერეთ და აღმოაჩინეთ ათასობით საშუალება, ინტერნეტში მუშაობის გამრავალფეროვნებისთვის.

ვინ ქმნის დამატებებს?

აქ გამოქვეყნებული დამატებები შექმნილია ათასობით შემმუშავებლის მიერ, ჩვენი დიდი ერთობიდან, დაწყებული დამოუკიდებელი მოხალისეებიდან, დამთავრებული დიდი კორპორაციებით. აქ მოცემული ყველა დამატება, გამოქვეყნებამდე შემოწმებულია ჩვენი მიმომხილველთა გუნდის მიერ. გარდა საცდელად მონიშნული დამატებებისა, რომელთა განხილვაც არ ხდება და მათი დაყენებისას, ყურადღების გამოჩენაა საჭირო.

როგორ მივადევნო თვალი, AMO-სთან დაკავშირებულ სიახლეებს?

დამატებების სამყაროდან, ბოლო სიახლეების შესატყობად, რამდენიმე გზა არსებობს:

  • ჩვენი დამატებების სვეტი მუდმივად ახლდება საინტერესო სიახლეებით როგორც მოყვარულთათვის, ასევე შემმუშავებლებისთვის.
  • ასევე, ხშირად ვდებთ სიახლეებს, რჩევებს და დამხმარე მასალას Twitter-ის ჩვენს ანგარიშზე, mozamo
  • ჩვენი ფორუმი კარგი ადგილია, დამატებების შემმუშავებლებთან ურთიერთობისთვის და AMO-სთან დაკავშირებულ, მოსალოდნელ სიახლეებზე სასაუბროდ.

მშვენიერია! როგორ ჩავერთო ამ ყველაფერში?

უამრავი გზა არსებობს, მონაწილეობის მისაღებად. თუ, ტექნიკურ საკითხებში კარგად ერკვევით:

  • შექმენით საკუთარი დამატება. ჩვენ გთავაზობთ უფასო სივრცეს, განახლების შესაძლებლობებს და შეგვიძლია დაგეხმაროთ დიდი რაოდენობით მომხმარებლის მოზიდვაში.
  • თუ გაქვთ დამატებების შექმნის გამოცდილება, გახდით ჩვენი დამატებების მიმომხილველი! ჩვენი მიმომხილველები არიან დამატებების ქომაგები, ტექნიკური ცოდნით, რომლებიც ამოწმებენ დამატებების კოდის ხარისხსა და მდგრადობას.
  • დაგვეხმარეთ ვებსაიტის გაუმჯობესებაში. ეს საიტი ღია წყაროს მქონეა, ასე რომ თავისუფლად შეგიძლიათ ხარვეზების კვლევა და მათი გამოსწორება. მიმდინარე ხარვეზებზე ინფორმაცია ახლდება GitHub საიტზე, ხოლო ძველ ხარვეზებზე ინფორმაცია, შეგიძლიათ მოიძიოთ Bugzilla-ზე.

თუ დაინტერესებული ხართ დამატებებით, მაგრამ არ გაქვთ საკმარისი ტექნიკური ცოდნა, კიდევ არსებობს სხვა გზები დასახმარებლად:

  • მოუყევით თქვენს მეგობრებს! გააგებინეთ მათ, თუ რომელ დამატებებს იყენებთ.
  • მიიღეთ მონაწილეობა ჩვენს ფორუმებში.
  • მიმოიხილეთ დამატებები საიტზე. დამატებების ავტორები უფრო მეტად მონდომებულად შეეცდებიან გააუმჯობესონ და დახვეწონ თავიანთი ნამუშევრები, როცა ეცოდინებათ, რომ ხალხი სათანადოდ დაუფასებს მათ შრომას.

კითხვა მაქვს

დასაწყისისთვის, ინფორმაციის მისაღებად საუკეთესო ადგილია Mozilla მხარდაჭერის საიტი. თუ თქვენს კითხვაზე მანდ ვერ იპოვით პასუხს, შეგიძლიათ ჩვენს ფორუმებზე დასვათ კითხვა.

თუ ნამდვილად გესაჭიროებათ Mozilla-ს გუნდის რომელიმე წევრთან დაკავშირება, გთხოვთ გაეცნოთ ჩვენს საკონტაქტო მონაცემებს.

ვინ მუშაობს ამ ვებსაიტზე?

წლების განმავლობაში, მრავალ ადამიანს აქვს ამ საიტის სრულყოფაში შეტანილი წვლილი, როგორც მოხალისეებს ჩვენი ერთობიდან, ასევე AMO-ს ცალკეულ გუნდს.